Jeta është shumë e shtrenjtë, nuk ka mbetur asgjë nga një rrogë, nuk ka më para për të dërguar në shtëpi… Nëse dikush do ta kishte thënë këtë për Gjermaninë në vitin 2019, ndoshta do ta kishin quajtur të çmendur, por gjërat e përmendura u bënë fakt pas pandemisë, luftës në Ukrainë, luftës së re në Izrael dhe Palestinë, dhe pyetja është se ku do të ndodh diçka tjetër, shkruan Vecernji list nga Bosnjë-Hercegovina.
Një qiramarrëse nga Gelsenkirchen këtë ditë është ankuar se ka paguar 719 euro për një apartament dhe pronarët e kanë njoftuar për një çmim të ri madje 1265 euro. Shtesa për shërbimet komunale për atë banesë do të jetë 4139 euro. Ajo thotë se ka frikë se bashkë tre fëmijët e saj do të përfundojnë në rrugë.
Gazi u bë më i shtrenjti dhe gjithçka tjetër pasoi atë rritje të çmimit, ndoshta jo në atë masë, megjithatë, fakti është se nuk ka asgjë që nuk është bërë më e shtrenjtë.
Kompania e pasurive të paluajtshme LEG, e cila ka 167,000 apartamente dhe gjysmë milioni banorë, rriti kostot shtesë për shërbimet komunale për të gjithë dhe shpjegoi se kostot bazoheshin në korrigjimet e zakonshme të çmimeve të tregut.
Edhe Dino Klep nga Jabllanica shpreh shqetësime për problemin e çmimeve të larta të banesave.
“Çmimet e qirave kanë “shpërthyer. Qiratë janë rritur deri në 15 për qind në pesë vitet e fundit. Në qytetet më të mëdha, si Berlini, Shtutgarti, Mynihu, Hamburgu, Këlni, jo vetëm që është e pamundur të gjesh një apartament, por edhe të paguash ndërkohë. I admiroj të gjithë punëtorët tanë mysafirë që arrijnë të lënë mënjanë 1500 euro nga paga mesatare për qira, ku përfshihet rryma dhe interneti. Për mua janë luftëtarë të vërtetë”, tha Klepo. Ai thotë gjithashtu se Gjermania nuk ka parë një krizë të vërtetë për 50 vite të mira, që nga kriza e naftës në vitet ’70 dhe tani po përballet sërish me krizë.
“Së pari, korona solli trazira dhe shpenzime të mëdha në buxhetin e shtetit. Pas kësaj, tronditja e luftës së Ukrainës, e cila papritur rrit çmimin e burimeve, veçanërisht të ushqimit dhe druve të zjarrit. Mendoj se njerëzit i ndjejnë më së shumti ato artikuj dhe nuk kanë mbetur aq shumë nga paga në fund të muajit, që ishte argumenti kryesor që qytetarët tanë të vinin në Gjermani”, thotë Klepo.(INA)
