Një deklaratë e atribuuar Sekretarit amerikan të Mbrojtjes, Pete Hegseth, ka nxitur reagime të shumta në opinion, pasi në të thuhet: “Qoftë sunit apo shiit, armiku ynë është Islami”.
Megjithatë, deri tani nuk ka një konfirmim të qartë nga burime të besueshme se ai e ka thënë pikërisht me këtë formulim. Në raportimet dhe transkriptet e publikuara, Hegseth citohet duke përmendur “armikun islamist”, duke iu referuar grupeve apo kërcënimeve të lidhura me ekstremizmin, dhe jo Islamit si fe në tërësi.
Deklarata e shpërndarë në rrjete sociale ka hapur debat të gjerë dhe ka sjellë reagime të forta, sidomos për shkak të ndjeshmërisë që mbart përdorimi i termave të tillë në kontekst politik dhe fetar.
Burime mediatike ndërkombëtare kanë raportuar për tonin e ashpër të deklaratave të Hegseth, por pa e konfirmuar versionin që po qarkullon gjerësisht në internet.
Sekretari i luftës së SHBA-së: “Qoftë sunit apo shiit, armiku ynë është Islami”
