Sot, në oborrin e Ministrisë së Punëve të Brendshme, realizuam dorëzimin dhe pranimin e automjeteve të reja dhe pajisjeve të specializuara të siguruara përmes projektit rajonal IPA EU4FAST, me mbështetjen e Bashkimit Evropian.
Katër automjete terreni, tre furgonë, kamera video, detektorë për rrahjet e zemrës dhe pajisje për verifikimin e dokumenteve do të vihen menjëherë në funksion të Policisë së Maqedonisë dhe do të kontribuojnë në rritjen e mobilitetit, përmirësimin e kontrollit kufitar dhe luftën më efikase kundër kontrabandimit të migrantëve dhe trafikimit të qenieve njerëzore.
Në një kohë kur sfidat e sigurisë po bëhen gjithnjë e më komplekse dhe nuk njohin kufij, investimet në modernizimin e policisë janë investime në sigurinë e qytetarëve dhe stabilitetin e rajonit.
Falënderim i veçantë për Bashkimin Evropian dhe të gjithë partnerët që mbështesin vazhdimisht përpjekjet tona për institucione më të forta, sundim të ligjit dhe luftë më efikase kundër krimit të organizuar.
Mbetemi të përkushtuar në ndërtimin e një policie moderne, profesionale dhe të pajisur mirë, e cila do të jetë në gjendje t’u përgjigjet me sukses të gjitha sfidave bashkëkohore të sigurisë.
