Dje në Tiranë pata nderin që në një atmosferë miqësore të zhvilloj një takim me Kolonel Giampiero Carrieri, ekspert i lartë i financave në Shqipëri, Kosovë dhe Mal të Zi, atashe pranë Ambasadës së Italisë në Tiranë.
Gjatë takimit biseduam tema të ndryshme, me fokus forcimin e kontrolleve kufitare, parandalimin e kontrabandës si dhe luftën kundër ekonomisë gri dhe korrupsionit.
Ky takim shërbeu si një mundësi për të shkëmbyer mendime të lira duke lënë hapur mundësinë që bashkëpunimi i ndërsjelltë të thellohet edhe më tej në të ardhmen. Takimi i rradhës pritet që të mbahet në Shkup më fund të shtatorit ku do të na bashkangjiten edhe personalitete tjerë të rëndesishëm.
Shpreh mirënjohjen time ndaj Ambasadës së Italisë për mbështetjen e vazhdueshme ndaj Drejtorisë së Doganave në Republikën e Maqedonisë së Veriut.
