KOALICIONI ME PDK DHE LISTËN SERBE – RRUGË DREJT FUNDSJES POLITIKE
E ardhmja politike u takon atyre që mbajnë qëndrim të qartë
Prej vitesh kam theksuar se kushdo që hyn në koalicion dhe përzihet me Listën Serbe dhe PDK-në e SHIK-ut, e ka të garantuar fundosjen politike. Këtë e ka vërtetuar vetë realiteti politik i dy dekadave të fundit, i ndërtuar mbi politikën përçarëse të Hashim Thaçit.
Amaneti i Ibrahim Rugovës ishte i qartë: “Hashimi duhet mbajtur larg politikës!”. Nuk ishte një deklaratë e rastësishme, por një paralajmërim i bazuar në informata serioze nga aleatët tanë ndërkombëtarë. Amerikanët e kishin paralajmëruar Rugovën se Thaçi kishte lidhje me një shërbim evropian të Francës, i cili ishte i ndërlidhur ngushtë me BIA-n serbe.
Fatkeqësisht, brenda LDK-së nuk u tregua besnikëri ndaj vizionit dhe amanetit të Rugovës. Përkundrazi, drejtuesit e partisë, në vend që të ruanin pastërtinë e saj, mblodhën rreth vetes të gjithë kundërshtarët politikë të Rugovës, duke e dobësuar atë nga brenda. Ata ishin të njëjtët që, ende pa vdekur Rugova, tentuan ta marrin partinë në dorë dhe ia dolën.
Sot, LDK është peng i strukturave të Isa Mustafës dhe Hashim Thaçit. Këto struktura e kanë kapur kryesinë dhe, për sa kohë që mbeten në pushtet, nuk ka gjasa që LDK të ringrihet.
Prandaj, kushdo që sot bën koalicion me PDK-në e SHIK-ut dhe Listën Serbe, është i destinuar për disfatë. Këto forca politike kanë qenë dhe mbeten instrumente të ndikimit të Beogradit dhe shërbimeve të huaja që nuk e duan fuqizimin e shtetit të Kosovës.
Në të kundërt, kushdo që bashkohet me Vetëvendosjen do të forcohet politikisht dhe në zgjedhjet e ardhshme do të dalë më i fuqishëm se kurrë më parë. Populli nuk harron dhe do ta shpërblejë me mbështetje atë që mban qëndrim të drejtë dhe të palëkundur ndaj interesave kombëtare.
Neser: KOALICIONI I TRADHTISË – PËRPJEKJA E FUNDIT E OPOZITËS PËR TË SHITUR DARDANINË
