Në vazhdim të agjendës në SHBA, takova senatoren e New York-ut Jessica Scarcella-Spanton.
Zhvilluam një bisedë që vlen përtej protokollit, një shkëmbim i hapur mendimesh mbi sfidat, përgjegjësitë dhe rolin që lidershipi ka në kohë të ndërlikuara.
Folëm për komunitetet tona, për historitë që na lidhin dhe për energjinë e njerëzve që punojnë çdo ditë për të ndërtuar jetë më të mirë për veten dhe familjet e tyre. Senatorja shprehu vlerësim të veçantë për kontributin e shqiptarëve në New York, një komunitet punëtor, krenar dhe i rrënjosur thellë në vlera.
Diskutuam edhe për mundësitë e bashkëpunimit mes institucioneve, për rolin e mërgatës dhe për rëndësinë e mbështetjes së komuniteteve tona jashtë vendit.
Këto biseda na hapin rrugën për bashkëpunime të reja dhe për një lidhje edhe më të fuqishme me miqtë tanë amerikanë.
