Zëvendëskryeministri dhe një nga figurat kryesore të koalicionit opozitar VLEN, Arben Fetai, ka reaguar ashpër ndaj politikës së vjetër, duke thënë se pas 20 vitesh mashtrime e pazare politike, shqiptarët më në fund i dhanë fund kësaj epoke.
“Për 20 vite, të njëjtët njerëz që çdo keqbërje ndaj shqiptarëve e justifikonin me ‘ku të shkojmë’, vazhdojnë të mbjellin politikë makiaveliste. Me çdo formë, me çdo mjet propagandistik, synojnë vetëm një gjë – pushtetin. Sepse vetëm ashtu dinë të jetojnë,” shkruan Fetai.
Ai kujtoi kohën kur “kryenegociatori i BDI-së, Fatmir Besimi, pas 150 mijë votave të shqiptarëve shkonte të bënte koalicione që zgjatnin 10 minuta, mjaftonte fjala e Sasho Mijallkovit për ndarjen e posteve.”
Sipas tij, kjo politikë mori fund më 19 tetor, kur shqiptarët zgjodhën ndryshimin dhe i dhanë besimin forcës që mendon, vepron dhe mbron – VLEN.
“VLEN është forca që mendon, vepron dhe mbron. Asnjëherë kundër kombit, asnjëherë kundër askujt,” përfundon Fetai.
