FAKTE! Plani 10 pikësh i Ibrahim RUGOVËS në vitin 1993
Në maj të vitit 1993, Presidenti i Kosovës, Ibrahim RUGOVA, iu ishte drejtuar organizatave ndërkombëtare civile e ushtarake si edhe shteteve perëndimore me një Plan 10-pikësh për parandalimin e shpërthimit të konfliktit dhe për zgjidhjen e krizës në Kosovë. Në këtë Plan 10-pikësh, me titull “Kosova në Krizë”, shpjegohen shkaqet dhe shkaktarët e krizës dhe rreziqet e shpërthimit të luftës në Kosovë. Aty përmendet rritja e numrit të forcave ushtarake e policore të Serbisë, veprimtaria kriminale të grupeve paramilitare serbe, aktet luftënxitëse të ekstremistëve serbë dhe vendosja e refugjatëve serbë nga Bosnja e Hercegovina e nga Kroacia në Kosovë. Në dokument paralajmërohet se Presidenti i Serbisë Sllobodan MILLOSHEVIQ do të drejtonte armët kundër Kosovës, sapo të përfundonte pushtimin e Bosnjës e Hercegovinës. Për të parandaluar shpërthimin e luftës në Kosovë, RUGOVA u ishte drejtuar faktorëve ndërkombëtare me 10 kërkesa edhe nga Qendra CARTER në Atllanta të SHBA-ve si në vijim:
- Të vendoset në Kosovë një numër i konsiderueshëm i forcave paqeruajtëse të OKB-së dhe NATO-s,
- Kosova të vendoset nën protektoratin e OKB-së,
- Të rritet numri i vëzhguesve të OSBE-së në Kosovë,
- Të zgjerohet mbi Kosovë zona e ndalim-fluturimeve,
- Të ndërpritet pastrimi etnik i heshtur dhe intimidimi i serbëve të Kosovës,
- Të çarmatosen njësitë paramilitare serbe dhe të vendoset nën kontroll ndërkombëtar artileria e rëndë e Serbisë,
- Aeroporti i Prishtinës të rihapet për fluturime humanitare,
- Të ndërpritet kolonizimi i Kosovës nga Serbia,
- Të lejohet mbledhja e Kuvendit të zgjedhur lirshëm,
- Kosova të përjashtohet nga sanksionet ndërkombëtare që i janë vendosur Serbisë dhe Malit të Zi.
