Sot, mora pjesë në mbledhjen e Këshillit për Reformën e Administratës Publike ku u diskutuan prioritetet dhe udhëzimet kryesore për përmirësimin e efikasitetit institucional, transparencës dhe llogaridhënies.
Gjatë seancës u diskutuan aktivitetet dhe rezultatet e arritura në vazhdimësi, si dhe sfidat me të cilat përballet procesi i reformave. Fokus i veçantë u vendos në digjitalizimin e shërbimeve, forcimin e kapaciteteve administrative dhe përmirësimin e shërbimeve ndaj qytetarëve dhe komunitetit të biznesit.
Pjesëmarrësit theksuan nevojën për një qasje të koordinuar dhe bashkëpunim të vazhdueshëm ndërmjet institucioneve me qëllim të sigurimit të rezultateve të qëndrueshme dhe afatgjata. U vu re se reforma e administratës publike mbetet një shtyllë kyçe në procesin e integrimit evropian dhe ndërtimin e një administrate moderne, profesionale dhe të orientuar drejt shërbimit.
