Kosova në mesin e 5 vendeve më të sigurta në Evropë, Kurti: Siguria e qytetarëve është rezultat i institucioneve të forta

Kosova në mesin e 5 vendeve më të sigurta në Evropë, Kurti: Siguria e qytetarëve është rezultat i institucioneve të forta

Kosova është renditur ndër pesë vendet më të sigurta në Evropë dhe në vendin e 14-të në nivel botëror, sipas Indeksit të Ligjit dhe Rendit për vitin 2025, të publikuar nga Instituti Ndërkombëtar Gallup.

Me 90 pikë, Kosova ka shënuar rezultat të lartë në perceptimin e sigurisë personale dhe besimit të qytetarëve në rendin dhe ligjin, duke tejkaluar edhe mesataren globale.

Pas këtij vlerësimi, Qeveria e Kosovës ka theksuar se ky rezultat dëshmon për forcimin e institucioneve dhe përkushtimin në garantimin e sigurisë publike.

Kryeministri Albin Kurti ka vlerësuar se siguria në vend është rezultat i angazhimit të institucioneve dhe punës së vazhdueshme për të garantuar rend, ligj dhe siguri për të gjithë qytetarët.

Edhe ministri i Punëve të Brendshme, Xhelal Sveçla, ka përgëzuar institucionet e sigurisë, duke theksuar se ky sukses është rezultat i bashkëpunimit ndërinstitucional dhe punës së zyrtarëve në terren.

Ky vlerësim e rendit Kosovën ndër vendet me nivel të lartë të sigurisë në Evropë, duke përforcuar imazhin e saj si një vend ku qytetarët ndihen të sigurt.

Leave a Reply

Your email address will not be published. Required fields are marked *